36. ஆத்தும ஆதாயம் செய்குவோமே

பல்லவி

ஆத்தும ஆதாயம் செய்குவோமே,-இது
ஆண்டவர்க்குப் பிரியம்;-நாமதினால்
ஆசீர்வாதம் பெறுவோம்,

அனுபல்லவி

சாத்திரம் யாவும் தெரிந்த கிறிஸ்தையன்
தஞ்சத்தைப் பெற்று நாமிந்த மாவேலையில்
ஆத்திரமாக முயற்சி செய்வோமாகில்
அற்புதமான பலனை அடையலாம். - ஆத்தும

சரணங்கள்

1. பாழுலக முழுவதையும் ஒருவன் சம்
பாதித்துக் கொண்டாலும்,-ஒரு
நாளுமழியாத ஆத்துமத்தை அவன்
நஷ்டப்படுத்தி விட்டால்,
ஆளுந்துரையவ னாயிருந்தாலுமே,
அத்தால் அவனுக்கு லாபமில்லை யென்று,
ஏழை ரூபங்கொண்டு ஞாலமதில் வந்த
எம்பெருமான் கிறிஸ்தேசன்று சொன்னாரே. - ஆத்தும

2. கெட்டுப்போன ஆத்துமாக்களை ரட்சிக்க
மட்டில்லா தேவசுதன்-வானை
விட்டுலகில் கனபாடு பட்டு ஜீவன்
விட்டதும் விந்தைதானே;
துட்டை யொருத்தியி னாத்துமத்தை மீட்க
தூயபரன் முன்னோர் கிணற்றருகிலே
இட்டமுடன் செய்த இரட்சண்ய வேலையை
இந்த நிமிஷமே சிந்தையி லெண்ணியே. - ஆத்தும

ராகம்: பியாகு
தாளம்: ரூபகதாளம்
ஆசிரியர்: யே. ஞானமணி