எந்தன் முகம் பார்த்திரங்குவாயே
பல்லவி
தந்தை சருவேஸ்பரனே, உந்தன் மகன் யேசுவுக்காய்
எந்தன் முகம் பார்த்திரங்குவாயே-இம்மாத்ரம் நீயே,
சரணங்கள்
1. அந்தமதிலா அகாரி[1] சந்ததமுமே விசாரி,
விந்தை அருள் மேவும் அசரீரி, மெய்ஞ்ஞான வாரி! - தந்தை
2. ஞானபரனே, ஒருத்வ மானமுதலே, திரித்வ
மேன்மை வடிவான மகத்வ மேலான தத்வ! - தந்தை
3. விற்பன விவேக நூலா, அற்புதமான சீலா,
நற்பரம லோக அனுகூலா, நன்மை க்ருபாலா![2] - தந்தை
4. ஆதிமுதலான நேசா, வேதமறை மீதுலாசா,
பேதகம் இலாத சத்ய வாசா, ஞான ப்ரகாசா! - தந்தை
5. வந்த வினை யாவும் தீரும், நிந்தை அணுகாமல் காரும்;
சிந்தை மகிழ்ந்தே, கண்ணாலே பாரும்; சீர்பாதம் தாரும்! - தந்தை
ராகம்: உசேனி
தாளம்: ரூபகதாளம்
ஆசிரியர்: வே. சாஸ்திரியார்
[1] கடவுள்
[2] கிருபையளிப்பவனே