பல்லவி
உந்தன் ஆவியே, சுவாமி, என்றன் மீதினில்
வந்து சேரவே, அருள் தந்து காவுமே.
சரணங்கள்
1. முந்துமானிடர் வினை தந்த சாபமும்
நிந்தை யாவுமே பட வந்த ஏசுவே. - உந்தன்
2. மதி மயக்குதே; பேயும் மன தியக்குதே,
அதிகமாய்க் கடல் அலை அறைந்து பாயுதே; - உந்தன்
3. சத்ய ஆவியைச் சீடர்க் கித்தரை விட,
சித்தமாய் உரை புரி நித்ய தேவனே. - உந்தன்
4. பெந்தே கோஸ் தெனும் மா சிறந்த நாளிலே
விந்தை ஆவியின் அருள் தந்த நேர்மையே, - உந்தன்
5. தாசன் யானுமே புகழ் வீசும் வாய்மையே
வாச மாகவே அருள், நேச தேவனே. - உந்தன்
ராகம்: நாதநாமக்கிரியை
தாளம்: ரூபக தாளம்
ஆசிரியர்: சவரிமுத்து உபாத்தியார்
